荒失失奇兵3：歐洲逐隻捉

話說第一集獅子阿力、斑馬馬提、河馬歌莉亞同長頸鹿邁文由紐約中央公園動物園走失，流落到馬達加斯加；第二集信錯企鵝上錯機，搞到緊急空降非洲大草原；今次佢哋追蹤企鵝去到歐洲，除咗想向企鵝展開大報復，當然最想最想．．．就係返屋企！但係未返到屋企之前，呢班動物為咗唔想太引人注目，喺自認最叻做騷嘅獅子阿力帶領下，決定加入馬戲團掩飾身份。平時喺動物園食慣歎慣嘅佢哋，要霎時做出馬戲明星嘅高難度動作又得唔得？